Thursday, November 29, 2012

ගොළුවු කඳුළ....














නෙතින් නෙත
ගැටෙන
වාරයක් වාරයක්
ගානෙ
අතොරක් නැතුව
තෙපලන
පුංචි කතන්දර
අහන්න
මං කොච්චර
ආසද.........
ඒවා මට
නොවුණට
ආසකලා මං
දකින්න
හැමදාමත් ඔය
හිනාව,
ඇස්දෙක......
මුනිවතක් රකින
මොහොතක
ඔබේ හිතයට
ඇති දුක
මට දැනෙන්නේ
නැතිද.........
කියා
මොහොතකටවත්
සිතන්නේ
කොහොම
ඔබ..........
 

Tuesday, October 30, 2012

තේමාවක් නැති ආදරේ - 03

කතාවෙ මුල් කොටස් කියවල නැති අය ඒව බලන්න ඕන නම් මෙතනින යන්න....
තේමාවක් නැති ආදරේ - 01
තේමාවක් නැති ආදරේ - 02

අද උදේම ඇහැරුනා...ඇහැරුනා කිව්වට මොකෝ වැඩට යන්න තියෙන හදිස්සියටමද කොහෙද රෑ හරියට නින්ද ගියෙත් නැහැ. ඇස් දෙක අරින්නත් කලින් මතකෙට ආවෙ ඔයාව. අද අලුත් පත්වීමකට යන්න සම්මුඛ පරීක්ෂණ දෙකක්ම තියෙනවා. උදේ පාන්දරම එයාගෙ කටහඬ අහන්නෙ නැතුව නැගිටින්නත් මොකක්ද වගේ. :) කෝල් එකක් දෙන්න ඕනා.



"හෙලෝ, ගුඩ් මොර්නින්ග් !!!!"

" ම්ම්ම්...ගුඩ් මොර්නින්ග්, ඉතින් ඉතින් අද දවසේ වැඩ කටයුතු වලට ලෑස්තිද?" මං අහන්න ආසම විදියට, එයා ගැන ගොඩාක් ආදරේ හිතෙන විදියට එයා කතා කළා.

"කීයටද එන්නෙ? මම ඇවිත් ඔයා එනකම් ඉන්නම්කෝ."

"මම 9.30 වෙනකොට එන්නම්...එහෙනම් මම ලැස්ති වෙන්න යනවා"

බීප් බීප් බීප් .... එයා ෆෝන් එක තිබ්බ.

Tuesday, October 2, 2012

ගැහෙන හදවත


කොහොම කියන්නද
මම මේක ඔයාට
දුක්වෙයි ඔයා 
දැනගත්තම මේවග
දන්නවද අද
දවස ගතකලේ 
මං ඔයා දුන්න 
ටෙඩියත් එක්ක
තනියට හිටියෙ
අපි දෙන්නට 
කඳුළුවලින් පිරිච්ච
කොට්ටෙ විතරක්ම 
වග
සත්තමයි හිත
හදාගන්න බැහැ මට
ආදරෙයි ඔයාට
හැමදාම මම

Monday, August 27, 2012

තේමාවක් නැති ආදරේ - 02

දවස් දෙක තුන ඔහේ ගෙවිල ගියා. ටික දවසකට පස්සෙ ඔයාව මට මුණගැහුන බස් එකේදි. වෙනදට පාළුවෙන් ඔහේ බලාගත්තු අතේ බලාගෙන යන මට ඔයා හිටි නිසා එදා ගොඩක් වෙනස්. තොරතෝංචියක් නැතුව දොඩමලු වෙන ඔයා දිහා මම බලාගෙනම හිටිය. ඔයා ඔයාගැන මමත් එක්ක කිව්ව. ඔයාගේ ඉස්සර කාලෙ විස්තර නේද ඒ? ඒ අතරමගදි ඒ ලස්සන අහිංසක ඇස්දෙක මමත් එක්ක හිනා උනා. මටත් හරි හරියට කියන්න දේවල් දිව අගටම ආවත් කියාගන්න බැරුව මාව ගොළු උනා. ඔයාට මතකද ඔයා ඇහුව "ඔයා මොනව හරි කියන්න නේද හදන්නෙ, ඒත් කියාගන්න බැහැ නේද?" කියල. එදා ඔයා මගේ හිත කියෙව්ව. ඔයා ළඟ ඉන්නකොට කාලෙ යනව තේරෙන්නෙත් නැති හැටි. අපිටම නොදැනිම ගමනාන්තෙටත් ඇවිත්. :)

Saturday, August 18, 2012

තේමාවක් නැති ආදරේ - 01

හිත හොඳටම රිදිල හිටිය කාලයක් ඒක. කොච්චර ජීවිතේ කරන්න රාජකාරි තිබුනත් ඒ ඔක්කොම වැඩ අස්සෙ එකම එක තප්පරේකට හිතල සතුටුවෙන්න කියල කෙනෙක් හිටියෙ නැහැ මට. මතක් වෙනකොට ආදරේ දෝරෙ ගලන ලස්සන අතීතයක් අපි දෙන්නට තිබුනට එයා ඒ ලස්සන අතීතෙ පොඩිපට්ටම් කරල දැම්ම. වැඩ රාජකාරි අතරෙ පොඩ්ඩකට හරි එයා ගැන හිතුනම මට මගේ ජීවිතේ තවත් එපා උන එකයි උනේ. එයා මට රිද්දන්න කරපු දේවල් එකින් එක මතකෙට ගලාගෙන ආවෙ මන් ගොඩක් ආදරේ කරපු අපි දෙන්නගෙ අතීතෙ මතක සැමරුම් සේරම මට නැත්තටම නැතිකරගෙන.

"එයා මුණගැහුන දවසෙ ඉඳල මට අළුත් ජීවිතයක් ලැබුණ. ජීවිතේට කියල අරමුණක් තිබුණ. ආසාවෙන් මම මහන්සි උනා අපේ අනාගතේ ලස්සන කරන්න.ඒත් අපි ඒ යන ගමන අතරමගදි එයා වෙනස් වෙලා. මාව සතුටින් තියන්න එයා කල හැම දේකින්ම එයා හිත රිද්දගෙන. එතකොට බලාගෙන යද්දි මම විතරද සතුටින් ඉඳල තියෙන්නෙ." ඔන්න ඔච්චරයි දැන් මට එයා ගැන හිතනකොට හිතට එන එකම දේ.

"හිතේ ගින්දර ඉහටත් උඩින්. යාළුවන්ට මේව කියන්න බෑ. උන්ටත් කියල කොච්චර ප්‍රශ්නද. අපි මේ හැමෝම හැල්මෙ දුවනව ජීවත් වෙන්න. මගේ ප්‍රශ්න උන්ට කියල උන්වත් තව පිස්සුවට්ටන්න මට බෑ බෑමයි. මම කොච්චර නම් තනිවෙලාද. මට කියල හිතට එන ඕනම දෙයක් ඔහේ බකස් ගාල කියල දාන්න මටම කියල ගොඩක් සමීප යාලුවෙක් හිටියනම්."



Wednesday, August 8, 2012

සුභපැතුම

අහම්බෙන් වගේ 
අපි මුණගැහුනට 
කතාබහ කරල
පදවැලක් ගෙතුවට
සත්තම සත්තයි 
කල්පයක් වගේමයි
මම ඔයා දැනගෙන

කියන හැම වදනක්ම
පපුවටම වැදුනට
වරක් දෙපාරක් හෙම
ටිකක් සැරකෙරුවට 
මුළු හිතම දන්නවා
එක සිතින් මේ මට 
ආදරෙයි හොඳටම

දෙනෝදාහක් මැද
ඇස් කතා කෙරුවට 
කියාගනු බැරිව අද
මුවද ගොළුවූවට
මේ හිතට දැනෙනවා
ගෙවෙන මේ දින පැය
හොඳටෝම  දිගබව 

ඔබ අභියසින් හිඳ
කියන්නට බැරුවට 
අඩුම තරමකින්වත් 
දැකුමටත් බැරි මට 
සිතින් මම පතන්නම් 
උපන්දින සුභපැතුම
සුභම සුභ වන්නට








Wednesday, August 1, 2012

සිතිවිල්ල


නිති සිතට සුව ගෙනෙන 
වදන් නෑසී ගියද
දනිමි මා ලෙස ඔබද 
සිතින් සිතනා තරම

ලෙන්ගතුව සිටීමට 
නොහැක දැන් පෙරසේම
ගෙවෙන හැම දිනයකම 
ඇතිය කල්පයක දිග

Monday, May 28, 2012

ආගන්තුක ඔබ

අපි ජීවත් වෙනකොට අපිට මුණගැහෙනව එක එක විදියේ මිනිස්සු සමහර අය අපිට වැඩිය මතක හිටින්නෙ නැහැ හිතේ..ඒත් පොඩි හමුවීමකින් ජීවිත වලට එන සමහර අය තමන්ගේ ජීවිතේට ගොඩාක් සමීප වෙනව.උන්මාදිනීටත් මුණගැහුන එක්තරා පුද්ගලයෙක්...අහම්බෙන් වගේ...ගොඩක්ම හොඳ හිතක් තියෙන කෙනෙක්....


Saturday, April 28, 2012

හරි පුදුම හිත්


කාලෙකට පස්සෙ තමයි ලියන්න වෙලාවක් ලැබුනෙ.මේ දවස්‌ වල වැඩ ගොඩගැහිල.ලියන්න දෙයක් හිත හිත ඉන්න ගමන තමයි මට මතක් උනේ කතා කරන්න ඕන කියල හිත් ගැන.
කතාවට කියන්නේ ගෑණු අයගේ හිත් තේරුම ගන්න බැ කියලයි.වෙලාවකට ඒක ඇත්ත තමයි.ජීවිතේ මට එක එක ආකාරෙ පුද්ගලයෝ මුණගැහිල තියෙනව.අපි හැමෝම මිනිස්සු උනාට අපේ හිත් හරි චන්චලයි,විවිදාකාරයි,හිතන්නේ එක එක විදියට.

Friday, March 30, 2012

ඉල්ලීමක්...

"යමු යමු ඉක්මනට..බස් එකක් තියෙනව"
දෙන්නත් එක්කල හරි බරි ගැහිලා a /c බස් එකේ අන්තිම සීට් එකේ වාඩි උනා.
හ්ම්ම්....සතියක් තිස්සෙ අවුල් වෙලා තිබුන මගේ හිත.හරිම පුදුමයි ඔයා ළඟට ආව විතරයි,හිතට පුදුම සහනයක් සැනසීමක් දැනෙන්නෙ.

Wednesday, March 28, 2012

වැරදුනේ කොතැන මට?

පරිගණකෙ දිහා බලන් ඉන්න ගමන් ඉබේටමයි මට ඒක දිහා බැලුනෙ...බලන්න බලන්න හිතට වාවන්නෙ නැති බව දැන දැනත් මම ඇයි තවත් ඒක දිහා බලන්නෙ?මන් ආදරේ කල කෙනා වෙන කෙනෙක් එක්ක චැට් කල ඒවා මන් සේව් කරගත්ත...ඒ දවස් වල මමයි එයයි නිතර දෙවේලෙ රණ්ඩු...වැඩකට ඇති එවටමත් නෙවෙයි..එත් මම හිතුවේ මගේ වැරදි නිසා ඒවා උනා කියලයි...මන් දන්නව,කොල්ලො ටිකක් දඟයි කියල...ඒත් අවුරුදු 3ක් පුරාවට ආදරේ කල එයාගේ අතින් එච්චරම බරපතල විදියට මගේ හිත රිදේවි කියල මම හීනෙකින් වත් හිතුවේ නෑ...සත්තමයි ..... මේ එහෙම දෙයක් උන දෙවැනි පාර.... මට තේරෙන්නේ නැත්තේ මම කොහෙන් මේවා කියන්න පටන් ගන්නද කියලයි....මගේ පලවෙනි පොස්ට් ඒක කිසි පිළිවෙලක් නැති එකට සමාවෙන්න මට කට්ටියම......ගොඩ කාලෙක ඉඳල බ්ලොග් එකක් පටන් ගන්න හිතුවත් එකට වෙලාවක් හදාගන්න බැරි උනා........